Imikino

Bayern Munich yatsinze bigoranye ikipe ya Benfica

Ikipe ya Bayern Munich yatsinze ibitego bine mu minota 20 ya nyuma mu mukino wayihuje n’ikipe ya Benfica mu marushanwa ya Champions League.

Abazamu bombi bitwaye neza mu gice cya mbere cy’umukino kuko igice cya mbere cyarangiye amakipe yose anganya  0-0. Uyu mukino wakiwe ku kibuga cya Estadio da Luz.

Muri uyu mukino kandi Robert Lewandowski yatsinze igitego ku munota wa 43’ mbere y’uko amakipe ajya mu kiruhuko.

Ku munota wa 51’Thomas Mueller yaje gutsinda igitego ariko nticyemerwa, iyi kipe ya Bayern Munich yakomeje kotsa igitutu ikipe ya Benfica biza kurangira akagozi gacitse kuko ku munota wa 70, Benfica yatsinzwe igitego cya mbere cyatsinzwe na Leroy Sane.

Nyuma y’iminota icumi gusa umukinnyi w’ikipe ya Benfica witwa Everton yitsinze igitego bituma ikipe ya Bayern munich ikomeza kuyobora umukino.

Bayern yari inyotewe no kubona intsinzi yo hanze yaje gutsinda igitego cya  gatatu  ku munota wa 82’ cyatsinzwe na Robert Lewandowski k’umupira yaherejwe neza na Leroy Sane bituma agira  ibitego 16 mu mikino 12 gusa.

Leroy Sane yaje gutsinda igitego cya kane bituma ikipe ya Bayern Munich yegukana amanota atatu.

Nyuma y’uyu mukino ikipe ya Bayern Munich iyoboye urutonde rw’agateganyo aho ifite amanota  9 kandi ikaba izigamye ibitego 12 mu mikino itatu.

Kanda utange igitekerezo

Subiza ku gitekerezo cyatanzwe

Your email address will not be published. Required fields are marked *

Solve : *
12 − 3 =


To Top