Amakuru

DRC : Mu byumweru bibiri Ebola imaze guhitana abarwayi 10 muri 16

Minisiteri y’ubuzima muri Repubulika iharanira Demokarasi ya Kongo(DRC) kuri uyu wa Gatandatu tariki ya 13 Kamena 2020 yatangaje ko Ebola imaze kwica abantu 10 mu ntara ya Équateur iri mu burengerazuba bw’igihugu.

Aba bahitanywe n’iyi ndwara bari mu barwayi bashya 16 bamaze kuboneka guhera ku itariki ya 01Kamena 2020, ubwo hatangazwaga ko Ebola yongeye kugaragara muri iki gihugu ku nshuro ya 11 mu mateka yacyo.

Mbandaka, mu murwa mukuru w’intara ya Équateur na Bikoro niho hantu hakomeje kugaragara nk’uduce twabaye indiri ya Ebola muri iki gihugu.

Tariki ya 14 Gicurasi 2020, DRC yatangiye kubara kugeza ku minsi 42 nta wundi murwayi mushya ubonetse kugira ngo itangaze ko Ebola yari imaze iminsi igaragara mu burasirazuba bw’iki gihugu kuva tariki  ya 01 Kanama 2018 itakihabarizwa nyuma y’uko yari imaze guhitana abasaga 2,280.

Mu mateka y’iki gihugu, Ebola imaze gufata umwanya wa Cumi, ikanaza ku mwanya wa kabiri mu mateka y’isi nk’ubwoko bubi bw’iyi ndwara nyuma y’iyibasiye ibice bimwe byo mu burengerazuba bw’Afurika kuva mu 2013 kugera mu 2016 igahitana abarenga 11,300.

Kanda utange igitekerezo

Subiza ku gitekerezo cyatanzwe

Your email address will not be published. Required fields are marked *

Solve : *
10 × 6 =


Most Popular

To Top