Habonetse urukingo rwa Covid-19

Ibyashyizwe ahagaragara ku bushakashatsi bwakozwe ku rukingo rwa COVID-19 byagaragaje ko habonetse urukingo rwa mbere rufite ubushobozi bwo kurinda umuntu kwandura Covid-19 ku kigero cya 90%.

Ni urukingo rwakozwe na Kompanyi Pfizer na BioNTech, zikaba zatangaje ko iyi ari intambwe ikomeye igezweho.

Abakoze urwo rukingo bavuga ko rwakorewe isuzuma ku bantu ibihumbi mirongo ine na bitatu (43,500) bo mu bihugu bitandatu byo hirya no hino ku isi, abaruhawe bakaba nta kibazo rwigeze rubatera.

Inkuru ya BBC iravuga ko Kompanyi zakoze urwo rukingo ziteganya gusaba uburenganzira bwo kurukoresha mu buryo bwagutse.

Iki cyorezo cyatumye abahanga mu by’inkingo n’imiti bataryama ahubwo bakora igihe cyose bagamije gushakira igisubizo iki cyorezo. Hari izindi nkingo nyinshi ziri mu byiciro bya nyuma by’igerageza, gusa uru ngo ni rwo rwa mbere rwerekanye intera ishimishije imaze kugerwaho.

Umuyobozi w’Ishami ry’Umuryango w’Abibumbye ryita ku buzima (OMS), Dr. Tedros Adhanom Ghebreyesus, abinyujije kuri Twitter, yagaragaje ko bakiriye neza iyi nkuru y’urukingo rwa Covid-19.

Yavuze ko ari intera nziza itigeze igerwaho mbere mu gushakisha urukingo rw’iki cyorezo, ashimira abagize uruhare muri ubwo bushakashatsi.

Kanda utange igitekerezo

Subiza ku gitekerezo cyatanzwe

Your email address will not be published. Required fields are marked *

Solve : *
16 + 11 =


Most Popular

To Top