Kylian Mbappe agomba kwiga “kugendera mu muriro” niba ashaka kugera ku bihe bye byose, nk’uko Zlatan Ibrahimovic abitangaza.
Rutahizamu w’Ubufaransa Mbappe ari mu mwaka wa gatanu ari mu ikipe Paris Saint-Germain, aho uyu musore w’imyaka 22 niwe watsinze ibitego byinshi muri iyi kipe muri Ligue 1 mu mwaka w’imikino ishize.
Mbappe bikomeje gutangazwa ko ashobora kwerekeza muri Real Madrid, bishobora kubaho mu mpera z’iyi shampiyona, dore ko azaba ari free agent aramutse yanze amasezerano mashya ya PSG.
Uwahoze ari umukinnyi wa PSG, Ibrahimovic, wamamaye cyane yatsinze ibitego 38muri shampiyona ya 2015-16, yumva ko hari byinshi Mbappe yageraho aramutse atangiye urugendo hanze ya shampiyona ya Ligue1.
Ibrahimovic yabaye umuhanga mu gukoresha impano ye ku buryo buhambaye, rimwe na rimwe akavuga nabi, imico, kandi byatumye aba umunywanyi abandi batinya, atari ukubera intego ye gusa ahubwo n’imbaraga za kamere.
Yatangarije Telefoot ati: “Nkunda Mbappe, ariko ibyo akora ntibirahagije. Arishimye cyane, muri zone ye. Akeneye kugenda mu muriro hanyuma akazaba mwiza kurushaho.
“Akeneye kumva uburyohe bw’amaraso. Ugomba kuzengurukwa n’abakubwira ko utari mwiza bihagije kandi ko ushobora gutera imbere, ntabwo ari abavuga ko uri mwiza.”
Mbappe yabaye uwingenzi muri PSG kuva yahagera, ku ikubitiro akigera muri PSG mu 2017 avuye muri Monaco kunguzanyo.
Umwaka ushize habaye itandukaniro rigaragara mu ikipe ya PSG mu gihe atari mu ikipe. Mbappe atangiye, nkuko byagaragaye mu mikino 27 muri Ligue 1, PSG uyu mukinnyi yagize amanota 2.3 kuri buri mukino, yatsinze 74 ku ijana by’imikino, ariko mu mikino 11 ubwo yari adahari muri 11batangiraga mu kibuga iyo mibare yaragabanutse ku manota 1.8 kuri buri mukino n’igipimo cyo gutsinda 54.5 ku ijana.Urebye PSG yarangije shampiyona irushwa inota rimwe n’ikipe ya Lille.
Ibrahimovic ati: “Mbappe ari mu cyiciro cyo hejuru cy’abo nkunda.” “Hariho abandi bakinnyi bamaze igihe kinini ku isonga. Mu rubyiruko, harimo Mbappe, Erling Haaland. Kandi ni nde wundi? Hariho Ibrahimovic, nta wundi muntu ukenewe.”
