Ikipe y’u Rwanda yanganyije na Cap Vert

Cap Vert 0-0 Rwanda

Cameroun 4-1 Mozambique

Tariki 17-11-2020

Rwanda-Cap Vert

Mozambique-Cameroun

Ikipe y’u Rwanda “Amavubi” yanganyije 0-0 na Cap Vert mu mukino w’umunsi wa  3 mu itsinda F mu mikino y’amajonjora yo gushaka itike yo kuzitabira imikino ya nyuma y’Afurika “CAN 2021” ariko izaba muri 2022.

Uyu mukino wabereye i Praia muri Cap Vert  kuri uyu wa Kane tariki 12 Ugushyingo 2020. Muri iri tsinda, ikipe ya Cameroun yitwaye neza itsinda Mozambique ibitego 4-1.

Nyuma yo kunganya  na Cap Vert iwayo, umutoza w’Amavubi, Mashami Vincent yatangaje ko  yishimiye iri nota rimwe babonye avuga ko  bari babizi ko umukino utaza kuborohera kuko bakinaga  n’ikipe iri iwayo kandi ikomeye ariko ashimira abakinnyi uko bitwaye.

Ikipe y’u Rwanda irahita igaruka mu Rwanda kwitegura umukino wo kwishyura uzabera i Kigali tariki 17 Ugushyingo 2020.

Umutoza Mashami avuga ko  bagiye kureba ibitagenze neza kugira ngo bagire ibyo bakosora. Akomeza avuga ko ikipe babashije kureba uko ikina kandi byabahaye ikizere cyo gutinyuka ku buryo bizeye kuzayikuraho amanota atatu.

Nyuma y’iyi mikino y’umunsi wa 3, Cameroun ni yo iyoboye n’amanota 7, ikurikiwe na Mozambique n’amanota 4, Cap Vert n’amanota 3 naho ku mwanya wa nyuma wa 4 hakaza Amavubi n’inota rimwe.

Abakinnyi babanjemo ku mukino wa Cap Vert n’Amavubi

Cap Vert: Vozinha Dias (GK), Stopira Santos Tavares, Carlos Ponck, Jeffrey Fortes, Nuno Borges, Jamiro Monteiro, Ryan Mendes, Lisandro Semedo, Ricardo Gomes, Djaniny Tavares na Steven Fortes.

Amavubi: Kwizera Olivier (GK), Manzi Thierry, Rwatubyaye Abdul, Fitina Ombolenga, Imanishimwe Emmanuel, Mukunzi Yannick, Niyonzima Ally, Bizimana Djihad, Niyonzima Haruna (Iyabivuze Osee), Kagere Meddie na  Tuyisenge Jacques (Muhire Kevin).

Kanda utange igitekerezo

Subiza ku gitekerezo cyatanzwe

Your email address will not be published. Required fields are marked *

Solve : *
24 + 21 =


IZASOMWE CYANE

To Top