Paul Pogba ukomoka mu Bufaransa akaba akinira ikipe ya Manchester United akomeje kugaragaza ko yifuza kuva muri iyi kipe.
Ubu ikipe ya Juventus mu Butaliyani yavuyemo ajya muri Manchester United yamaze gutangaza ko yiteguye kugura uyu mukinnyi ufite imyaka 27 kuri miriyoni 90 z’amapawundi.
Uretse Juventus, ikipe ya Real Madrid na yo yagaragaje ko imwifuza.
Umutoza wa Manchester United, Ole Gunnar Solskjaer yatangaje ko uyu mukinnyi agomba kuguma muri iyi kipe.
Kuva 2016, Paul Pogba agarutse muri Manchester United amaze gukina imikino 143 aho yatsinze ibitego 31.
