Amakuru

Mukura yageze i Musanze gukina ikindi kirarane

Nyuma yo gusezererwa mu marushanwa nyafurika ya CAF Confederation na Al Hilal yo muri Sudan, Mukura ikomeje gukina imikino yikuriranya y’ibirarane itakinnye ubwo yari ikiri kwitabira aya marushanwa.

Mu mikino itanu y’ibirarane bya shampiyona Mukura imaze gukina ibiri aho yatsinzwe na Police 3-2 mbere yo kwihimurira ku ikipe y’Amagaju iyitsinda 2-1, ikaba ikomereje mu majyaruguru gukina na Musanze FC umukino uzabera kuri Stade Ubworoherane kuri uyu wa gatatu saa cyenda n’igice.

Mu bakinnyi Mukura yazamukanye i Musanze kuri uyu wa kabiri ntiharimo Nkomezi Alex, Ndayishimiye Christophe na Mutebi Rachid umaze imisni avugwaho ubusinzi bukabije.

Umutoza Haringingo Francis yatangarije KT Sports ikiganiro cy’imikino kuri KT Radio ko aba bakinnyi bafite ibibazo by’imvune gusa amakuru agera kuri Kigali Today nuko Mutebi Rachid yasizwe kubera ubusinzi ndetse ikipe ikaba yafashe icyemezo cyo kumwirukana n’ubwo itarabyemeza.

Uyu rutahizamu ukunze kugaragara yasinze aherutse guhagarikwa kubera kunywa inzoga nyinshi nyuma aza guzaba imbabazi asubira mu ikipe ariko ntibyamubuza kongera kuvugwaho ubusinzi kugeza aho ikipe ifatiye icyemezo cyo kumwirukana.

Ku rutonde rwa shampiyona Mukura imaze gukina imikino 12, iri ku mwanya wa gatatu inyuma ya APR na Rayon Sports ziyoboye aho ifite amanota 29.

Kanda utange igitekerezo

Subiza ku gitekerezo cyatanzwe

Your email address will not be published. Required fields are marked *

Solve : *
27 ⁄ 9 =


IZASOMWE CYANE

To Top