Nigeria : Urukiko rwatangaje ko uburaya bukozwe nk’akazi atari icyaha

Umucamanza w’urukiko rukuru rw’i Abuja kuri uyu wa kane tariki ya 19 Ukuboza 2019 yategetse ko abagore 16 bari bafunzwe kuva muri 2017 kubera uburaya nk’akazi bahabwa indishyi z’akababaro.

Ni ubwa mbere urukiko muri Nigeria rutangaje umwanzuro w’amategeko ku bijyanye n’abacuruza imibiri yabo nk’akazi.

Babatunde Jacob Umunyamategeko wunganira aba bagore yabwiye BBC dukesha iyi nkuru ko urukiko rwasanze abashinzwe umutekano barahungabanyije uburenganzira bw’abakiriya be.

Icyo gihe ngo binjiye mu nzu zabo barabafata babashinja gusa kuba ari indaya zigurisha.

Abahanga mu by’amategeko bavuga ko uyu mwanzuro ushobora guhindura byinshi muri iki gihugu gituwe kurusha ibindi muri Afurika.

Gufata no gufunga abitwa indaya zicuruza bikozwe n’inzego z’umutekano ni ibintu biba kenshi muri Nigeria, no mu bindi bihugu binyuranye muri Afurika.

Mu mukwabu wo kubahiga mu kwezi kwa gatanu, abagere kuri 60 batawe muri yombi mu mujyi wa Abuja bashinjwa uburaya.

Benshi muri aba bagore bavuga ko bahohotewe, bakubiswe kandi bakojejwe isoni mu ruhame.

Mu gitabo cy’amategeko  ahana ibyaha mu Rwanda, itegeko ryavuguruwe muri 2018 ntiribuza cyangwa ngo rihane ukora uburaya nk’akazi, gusa rivuga ko gukoresha undi uburaya ku gahato bihanishwa igifungo cya burundu.

Kanda utange igitekerezo

Subiza ku gitekerezo cyatanzwe

Your email address will not be published. Required fields are marked *

Solve : *
22 + 6 =


Most Popular

To Top