Rayon Sports iri Ngoma aho yatangiye imyiteguro izamara iminsi 10

Ikipe ya Rayon Sports kuva tariki 17 Nzeri 2019 iri mu Karere ka Ngoma mu Ntara y’i Burasirazuba aho igiye kumara iminsi 10 mu mwiherero aho yitegura umukino w’igikombe kiruta ibindi « Super Cup 2019 » ndetse no gutangira shampiyona y’ikiciro cya mbere ya 2019-2020.

Nk’uko bitangazwa n’umuvugizi w’iyi kipe ya Rayon Sports, Nkurunziza Jean Paul ni umwanya mwiza yo kwitegura kuko mu ntagiriro z’ukwezi gutaha k’Ukwakira 2019 bazatangira shampiyona ya 2019-2020 ikazabanzirizwa n’umukino w’igikombe kiruta ibindi « Super Cup 2019 ».

Uyu mukino biteganyijwe uko uzabera kuri Sitade Amahoro i Remera tariki 01 Ukwakira 2019, ukazahuza ikipe ya Rayon Sports yegukanye shampiyona ya 2018-2019 ndetse n’ikipe ya AS Kigali yegukanye igikombe cy’Amahoro cya 2019.

Muri iyi minsi, ikipe ya Rayon Sports yatozwaga na Kayiranga Baptiste waje muri iyi kipe mu mwanya w’umunyobozi wa Tekinike. Umuvugizizi w’iyi kipe, Nkurunziza avuga ko bamaze kumvikana n’umutoza mushya ko agoba gutangira imirimo mu minsi ya vuba.

Abakinnyi bagiye mu mwiherero i Ngomba ntabwo barimo abajyanye n’ikipe y’igihugu muri RDC mu mukino wa gicuti n’iyi kipe bitegura gukina na Ethiopia mu mukino wo gushaka itike ya CHAN 2020. Aba barimo Kimenyi Yves, Rutanga Eric, Iranzi Jean Claude, Nshimiyimana Amran ndetse na Bizimana Yannick.

Ikipe ya Rayon Sports yegukanye shampiyona iheruka ya 2018-2019 uretse uyu mukino wo guhatanira igikombe kiruta ibindi « Super Cup 2019 », iyi kipe izatangira shampiyona ikina n’ikipe ya Gasogi United yazamutse mu kiciro cya mbere uyu mwaka.

Kanda utange igitekerezo

Subiza ku gitekerezo cyatanzwe

Your email address will not be published. Required fields are marked *

Solve : *
16 − 4 =


Most Popular

To Top