Imikino

Rayon Sports yanganyije na Espoir FC

Taliki 30 Ugushyingo  na 01 Ukuboza 2021 hakinwe imikino y’umunsi wa 6 ya shampiyona y’icyiciro cya mbere mu bagabo “Primus  National League 2021-2022”.

Ikipe ya Rayon Sports yatakaje amanota nyuma yo kunganya na Espoir FC ibitego 2-2, umukino wabereye i Rusizi.  Ibitego bya Espoir FC byatsinzwe na  Muhozi Fred  naho Rayon Sports itsindirwa na Essomba Willy Onana na Niyigena Clement.

Indi mikino y’umunsi wa 6 yabaye, Police FC yatsinze Marines FC igitego 1-0, Kiyovu itsinda Etincelles FC ibitego 2-0, AS Kigali itsindira Gicumbi FC iwayo ibitego 2-1.

AS Kigali yitwaye neza itsinda Gicumbi FC
Police FC yatsinze Marines FC

Ikipe ya Musanze FC yatsinze Gorilla FC  ibitego 2-1, Etoile de l’Est FC irimo gukina  umwaka wayo wa mbere mu cyiciro cya mbere yatsinze Gasogi United igitego 1-0 naho Bugesera FC inganya na Rutsiro FC 0-0.

Umukino utabaye ni uwagombaga  guhuza ikipe ya APR FC na Mukura. Iyi kipe ya APR FC igomba kwerekeza muri Maroc gukina na RS Berkane umukino wo kwishyura mu mikino y’Afurika « Total CAF Confederation Cup 2021-2022 ». APR FC ikaba imaze kugira imikino 3 y’ibirarane (Etincelles FC, Gasogi United FC na Mukura).

Nyuma y’imikino y’umunsi wa 6,  AS Kigali irayoboye n’amanota 14, ikurikiwe na Kiyovu n’amanota 13, Rayon Sports ku mwanya wa 3 n’amanota 11, ku mwanya wa 4 hari Gasogi United n’amanota 10 inganya na Musanze FC iri ku mwanya wa 5, APR FC (6), Police FC (7), Espoir FC (8), Gicumbi FC (9), Etoile de l’Est FC (10), Marines FC (10), Bugesera FC (12), Rutsiro FC (13), Mukura (14), Gorilla FC (15) naho ku mwanya wa nyuma wa 16  hari ikipe ya Etincelles FC ifite inota rimwe.

Shampiyona izakomeza taliki 04 kugeza 06 Ukuboza 2021 hakinwa imikino y’umunsi wa 7.

Musanze FC  2-1 Gorilla FC

Police FC 1-0  Marines FC

Etoile de l’Est 1-0 Gasogi United

Espoir FC 2-2 Rayon Sports

Gicumbi FC 1-2 AS Kigali

Etincelles FC 0-2 Kiyovu

Bugesera FC 0-0 Rutsiro FC

Kanda utange igitekerezo

Subiza ku gitekerezo cyatanzwe

Your email address will not be published. Required fields are marked *

Solve : *
20 × 15 =


To Top