Umuryango w’Abibumbye wageneye inkunga Sudani y’Amajyepfo

Umuryango w’abibumbye wageneye imfashanyo ya million 11 z’amadolari impunzi z’aAbanyasudani y’Amajyepfo zatahutse iwazo, iyo nkunga ikaba igomba kuzifasha gusubira mu buzima busanzwe.

Umuryango w’Abibumbye wavuze ko ayo mafaranga azafasha izo mpunzi mu kubona ibyo kurya, aho kuba n’ibindi byangombwa nkenerwa mu buzima bwazo bwa buri munsi n’ibindi.

Loni ibarura Abanyasudan y’Amajyepfo bagera mu bihumbi 268 bamaze gutahuka iwabo barimo abagabo, abagore n’abana, bakaba ari nabo bagenewe iyo nkunga yo kubafasha kongera kwiyubaka.

Iyo nkunga bahawe ngo izanabafasha kubona imbuto yo guhinga muri iki gihe.

Muri rusange Umuryango w’Abibumbye ugaragaza ko  ababarirwa muri milioni 1.9 by’abanyasoudan y’Amajyepfo ari bo bavuye mu byabo kuva mu mpera za 2013, ubwo mu gihugu cyabo hadukaga intambara.

Loni kandi igaragaza ko Abanyasudan babarirwa muri million 2.3 bo bahungiye inyuma y’igihugu cyabo.

Kanda utange igitekerezo

Subiza ku gitekerezo cyatanzwe

Your email address will not be published. Required fields are marked *

Solve : *
3 + 19 =


IZASOMWE CYANE

To Top